Jatorriz, Inauteri edo Aratuzte aurreko domekan familiak, herriko taldeak... joan ohi ziren mendira edo landa batera eta han alkarregaz sua egin eta bazkaldu egiten zuten. Gure Kanpomartxo gaurkotuan, ohitura hori birmoldatu egin dugu inguruko euskaldunak biltzeko deia eginez eta, bazkaria egiteari eta bazkaltzeari ez ezik, musika eta dantzari ere leku berezia eskaintzen diegu, erromeria antolatuta. Bada, hainbat hamarkadatan galduta egon ostean, Berbots Erandion Euskaraz elkarteak 1994.urtean berreskuratu zuen. Ordutik hona, udalerriko txoko ezberdinetan egin dugu ospakizuna, urterik urte tokia txandakatuta.

Auzoa	Urteak
Faoeta (Fano)	1994 - 1999
Erandiogoikoa	1995 – 2000 - 2005 - 2015
Magdalena	1996 - 2006
Martiartu	1997 - 2008-2016
Santimami	1998 – 2007-2014
Kukularra	2001 - 2009
Asua	2002 - 2011
Arriaga	2003 - 2013
Lutxana	2004 - 2010 - 2017
Enekuri	2012

Kanpomartxo egunean, euskara, kultura eta Erandioko herria egin nahi ditugu protagonista; hiru osagai horiek elkarlanean uztartzeak ematen dio gure Kanpomartxori berezitasuna eta aberastasuna. Kanpomartxo egunaren ezaugarri nagusia lankidetza da, Erandioko elkarteen eta norbanakoen arteko lankidetza. Euskal kultura sustatu eta euskaraz bizi nahi duten erandioztarrek tokia dute Kanpomartxoren antolakuntzan eta ekintzetan; hauek dira gure helburuak:

ü Euskaldun eta euskaltzaleen bilgune izatea

ü Euskara eta euskaltasuna giro atseginarekin uztartzea

ü Herriko elkarteen arteko harreman sarea sendotzea

ü Kanpomartxo eguna herriko jende askoren agendan sartzea

ü Berbots herriko euskalgintzaren erreferente izatea

ü Kanpomartxo egunak erdaldun askorentzat ere bere xarma izatea

“ Kanpomartxo 1994 – 2017 Euskaldunon eta euskaltzaleon topagunea”

2014ko Kanpomartxoko berrikuntza : KANPOMARTXO KANTUA!!! “Garilak 26” taldeak egina. Gure web orrian deskargatu ahal duzu! Eta, gainera, egunean bertan, flashmob-a egingo dugu!!! Erandiogoikoko “Auzokide herrikoi elkarteak” koreografia prestatu du guztiok ikasi eta elkarrekin dantza egin dezagun. Berbotsen web orrian bideoa eskegi dugu herriko taldeek, eskoletako ikasleek eta nahi duen edonork saioak egiteko.

KANTUA ETA FLASHMOB

Hemen dauzkazu beste urte batzuetako argazki batzuk ikusgai:

- Berbots-en flickr

2012ko KANPOMARTXO: ARGAZKIAK

2010ko Kanpomartxoko argazkiak:

- UKberri.net-en albuma

- lagun baten albuma